Сите сакаме да бидеме урамнотежени и ни е криво кога некој нѐ вознемирил, а подоцна сфаќаме дека можевме и требаше поинаку да реагираме. За жал, еден таков излив на прекумерни емоции понекогаш може да нѐ чини углед, работа или дури и да ни го оштети здравјето.
Гневот е одбранбена емоција што често ја покрива подлабоката болка од повреденост, малтретирање, искористување или непочитување. Долготрајниот гнев може да доведе до зголемен стрес, хипертензија и поголем ризик од срцеви заболувања.
Бидејќи гневот е природна емоција, решението не е во неговото потиснување – тоа само го прави подлабок и поексплозивен кога ќе излезе на површина. Наместо тоа, неопходно е да се дозволи гневот да се почувствува, но на начин кој нема да наштети ни на другите, ни на себе.
Живеејќи во Скопје или било кој друг голем град, често сме изложени на нечии испади на гнев – викање, пцуење или агресија во сообраќајот. Важно е да не го впиеме овој гнев и несвесно да го пренесеме на најблиските.
Постојат многу техники за справување со гневот – некои советуваат да се турка ѕид, други препорачуваат удирање перница или запишување на мислите на хартија. Но, сите овие техники само помагаат да се менаџира гневот, без да се елиминира неговиот корен. Не би било ли подобро гневот да почне природно да исчезнува?
За да исчезне гневот од нервниот систем, потребен му е длабок одмор – многу подлабок од обичното ноќно спиење. Само така телото и умот можат да се ослободат од наталожените стресови, кои се главната причина за гневот.
Како до таков длабок одмор?
Трансценденталната Медитација (ТМ) создава состојба на длабока релаксација, која го намалува стресот и анксиозноста – два главни предизвикувачи на гнев. Истражувањата покажуваат дека одморот за време на ТМ е многу подлабок од оној што се постигнува со едноставно затворање на очите. Оваа техника му помага на нервниот систем да се смири, а телото природно да го намали нивото на стрес.
Истражувањето подолу, објавено во списанието American Psychologist, откри три физиолошки маркери кои покажуваат дека одморот постигнат за време на практиката на ТМ е значително подлабок од обичното одморање со затворени очи.[1]
За разлика од другите техники на медитација, кои бараат контрола на мислите или концентрација, ТМ е сосема природна и без напор. Се користи специфична мантра – збор или звук – кој тивко се повторува, овозможувајќи му на умот да се смири и да влезе во состојба на длабока релаксација.
Основи на Трансценденталната Медитација
ТМ беше воведена на Запад од Махариши Махеш Јоги во 1950-тите и оттогаш стекна светска популарност. Се практикува двапати дневно по 20 минути, во удобно седење со затворени очи.
Оваа техника не бара фокусирано внимание или контрола на мислите – напротив, умот природно ги надминува активните мисли и постигнува уникатна состојба на „будна релаксација“.
Преку редовна пракса на ТМ, гневот природно почнува да исчезнува. Наместо да бараме начини како да го контролираме, можеме да создадеме состојба на внатрешен мир, каде што гневот веќе нема потреба да постои.
[1] Dillbeck MC, Orme-Johnson DW. Physiological differences between transcendental meditation and rest. American Psychologist, 1987 Sep 42(9):879-81
М-р Мартина Сотировска, сертифицирана учителка по Трансцендентална медитација.
Дознајте како Трансцендентална медитација може ви помогне да го подобрите квалитетот на животот.
Закажете вашето бесплатно воведно предавање денес.
